Ny norsk skjønnlitteratur for barn og unge – automatisk innkjøpsordning
In brief, in English
This funding scheme automatically purchases new Norwegian fiction books for children and young adults to distribute to public and school libraries. Eligible applicants are publishers and other entities with a Norwegian organization number that hold agreements with the author.
Written by a model from the publisher's text. The official page is the authority. How data is produced
Innkjøp til folkebibliotek av norsk skjønnlitteratur for barn og unge. Bøkene skal leverast frå søkar når boka blir utgjeven, søknaden om innkjøp blir vurdert i etterkant.
Status: Åpen
Søknadsfrist 15. desember 2026 kl. 13:00
Ordningen forvaltes av Kulturrådet.
Nye retningslinjer for bruk av KI i litteratur
Kulturrådet har vedtatt retningslinjer for bruk av KI i litteratur. De nye retningslinjene gjelder for titler med utgivelsesdato f.o.m. 2027. Les derfor informasjonen nedenfor nøye før du søker. Les gjerne også nyhetssak om de nye KI-reglene.
Kva skal ordninga bidra til (formål)?
Ordninga skal bidra til at ny norsk skjønnlitteratur for barn og unge blir skapt, gitt ut, spreidd og lesen. Kulturrådet stiller minstekrav til kvaliteten på bøkene og profesjonaliteten i utgivinga. Til saman skal alle bøkene bidra til stor breidd i norsk litteratur.
Kva er konsekvensane av å melde ei bok på ordninga?
Innkjøpsordninga er automatisk. Det vil seie at dersom de melder ei bok på ordninga, blir ho send til biblioteka på utgivingsdatoen, og Kulturrådet betalar ut forfattarhonoraret og forlagsdelen før søknaden er ferdigbehandla.
Dersom søknaden om innkjøp blir avslått, må de betale tilbake pengane. De må betale tilbake både forlagsdelen og forfattarhonoraret. Forfattaren skal behalde sitt honorar. Bøkene som er sende til biblioteka, blir ikkje returnerte.
Grunnen til at pengane blir betalte ut på førehand og boka blir send til biblioteka før søknaden er ferdigbehandla, er at biblioteka skal få boka på utgivingsdatoen.
Kven kan melde på bøker?
Forlag og andre utgivarar med norsk organisasjonsnummer kan melde bøker på denne ordninga. Det er ikkje mogleg å melda på bøker på både den automatiske og den selektive innkjøpsordninga for ny norsk skjønnlitteratur for same målgruppe innanfor same utgivingsår. Det er viktig at de som utgivar har inngått ein avtale med forfattaren og eventuelle andre opphavspersonar (som illustratørar eller gjendiktarar) før de søkjer.
Kulturrådet kan bestemme at ein utgivar ikkje får melde på bøker i ein periode, dersom dei ikkje har følgt vilkåra for ordninga tidlegare. Det kan til dømes vere at utgivaren ikkje har betalt tilbake pengar innan opplyste fristar.
Einbokregelen – berre éi bok i året per forfattar
Hugs at ein forfattar vanlegvis berre kan ha éi bok for vaksne og éi bok for barn og unge meldt på innkjøpsordningane for skjønnlitteratur kvart kalenderår. Dette blir kalla «einbokregelen».
Einbokregelen gjeld for denne ordninga og den selektive innkjøpsordninga for skjønnlitteratur for barn og unge under eitt. Det vil seie at forfattaren ikkje kan ha meir enn éi bok som er påmeld til innkjøpsordningane for skjønnlitteratur for barn og unge same år.
De kan søkje om dispensasjon frå einbokregelen på vegner av forfattaren. Det må de gjere før den første boka kjem ut. Søknaden må grunngivast.
Kva for bøker kan kjøpast inn?
Boka må vere ny norsk skjønnlitteratur for barn og unge.
Med skjønnlitteratur meiner vi romanar, noveller, kortprosa, lyrikk, dramatikk og biletbøker. I ordninga reknar vi dramatikk i bunden form som lyrikk. Vi reknar også bøker med hovudsakleg faktabasert og fagleg innhald som skjønnlitteratur dersom dei har eit tilstrekkeleg diktarleg preg. Boka må stå fram som eit heilskapleg skjønnlitterært verk. Det gjeld også biletbøker og andre utgivingar med vesentlege visuelle innslag, og antologiar.
Boka må anten vere
skriven på norsk (bokmål, nynorsk eller dialekt) eller
omsett til norsk frå samisk eller eit nasjonalt minoritetsspråk eller
omsett til norsk frå eit anna språk dersom det er eit originalverk som ikkje har vore gitt ut tidlegare, eller
ei gjendikting av lyrikk til norsk
Med ny meiner vi at boka kjem ut som originalverk same år som de søkjer. Gjendiktingar av lyrikk til norsk blir rekna som nye litterære verk. Dikt- og novellesamlingar blir rekna som nye dersom under halvparten av innhaldet er trykt tidlegare. Dersom forfattaren av boka er død, kan de søkje i inntil fem år etter at forfattaren gjekk bort. Er boka omsett frå samisk eller eit nasjonalt minoritetsspråk, kan ikkje originalverket vere eldre enn fem år når de søkjer.
Frist for å melde på bøker
Fristen for å melde ei bok på ordninga er avhengig av utgivingsdatoen:
Utgivingsdatoen for boka
Frist for å melde boka på ordninga
1. januar - 28. februar
15. desember
1. mars - 30. april
15. februar
1. mai - 30. juni
15. april
1. juli - 31. august
15. juni
1. september - 31. oktober
15. august
1. november - 31. desember
15. oktober
Dersom utgivinga blir forseinka, må de utsetje påmeldinga og flytte boka til ein seinare påmeldingsrunde.
Kva for bøker kan ikkje kjøpast inn?
Ordninga omfattar ikkje bøker som heilt eller delvis er framstilt av kunstig intelligens (KI). Unntak kan vurderast i særskilde tilfelle der bruken er godt grunngitt kunstnarisk eller fagleg.
Ei bok blir rekna som heilt eller delvis framstilt av kunstig intelligens når generativ KI har skrive tekst eller laget illustrasjonar som inngår i den ferdige utgivinga. Viss KI fyller ut eller omskriv teksten, til dømes ved å skriva ein overgang, utvide eit avsnitt eller foreslå ei avslutning, og dette blir ståande i den ferdige boka, er boka delvis framstilt av KI. Det same gjeld viss KI har behandla element i illustrasjonar.
Bruk av KI som støttefunksjon i arbeidet blir ikkje rekna som framstilling. Dette kan til dømes gjelda korrektur, eller bruk til research, idéutvikling eller som samtalepartnar.
Korleis blir søknaden vurdert (vurderingskriterium)?
Boka blir vurdert av vurderingsutvalet for skjønnlitteratur for barn og unge.
I vurderinga ser utvalet etter om
boka står fram som eit heilskapleg litterært verk
boka har god nok kunstnarleg, språkleg og handverksmessig kvalitet
boka har gått gjennom nødvendig redaksjonelt arbeid
boka er tilpassa barn og unge som målgruppe
Det kan i særskilde tilfelle gjerast unntak frå hovudregelen om at bøker heilt eller delvis framstilt av kunstig intelligens ikkje blir omfatta av ordninga. Utvalet vil i slike tilfelle vurdera om bruken av generativ kunstig intelligens er godt grunngitt kunstnarisk eller fagleg.
Vurderingsutvalet kan hente inn fråsegner frå fagkonsulentar der det er nødvendig, til dømes når dei skal vurdere biletbøker eller utgivingar som er omsette frå samisk. Dersom utvalet skal vurdere ei gjendikting, hentar sekretariatet inn ei fråsegn frå ein fagkonsulent om den språklege attgivinga på norsk. Konsulentfråsegna skal leggjast fram for vurderingsutvalet.
Er utvalet i tvil om boka bør kjøpast inn, blir det henta inn to faste ekstralesarar.
Når utvalet har vurdert bøkene, legg dei fram innstillinga si for Kulturrådet til orientering.
Meir om utvalet
Det er Kulturrådet som avgjer kven som sit i utvalet, og det blir oppnemnt for to år om gongen.
Utvalet skal representere ei breidd i litteratursyn og ha kunnskap om ulike sjangrar. Dei skal samla ha ein kombinasjon av forfattar-, forlags- og bibliotekerfaring og/eller erfaring frå akademia.
Vurderingsutvalet for skjønnlitteratur for barn og unge skal alltid ha minst to medlemmer med kompetanse på visuell litteratur. Minst éitt av medlemmene bør sjølv vere illustratør og ha god kjennskap til biletbøker. Utvalet skal i tillegg ha ein samla god kjennskap til målgruppa barn og unge og vere ekstra merksame på nyskaping og endringar på det barnelitterære feltet.
Når eit nytt vurderingsutval skal oppnemnast, vil relevante organisasjonar og foreiningar på litteraturområdet bli bedne om å komme med innspel og forslag til utvalsmedlemmer.
Dette må søknaden innehalde
Søknaden om innkjøp omfattar sjølve søknadsskjemaet og ei trykt bok som de skal ettersende til vurderingsutvalet. Søknadsskjemaet må sendast inn før boka kjem ut. Er boka ei gjendikting, skal de også leggje originalverket ved søknaden. Bøkene som blir melde på ordninga, blir distribuerte til folke- og skulebibliotek i heile Noreg på utgivingsdatoen. Bøkene skal leverast både som trykte bøker og som e-bøker. Dersom de ikkje kan levere e-bok, må de søkje om unntak før de sender søknaden om innkjøp. Søknaden om unntak må grunngivast. Biletbøker skal ikkje leverast som e-bok.
Er forfattaren og utgivaren av boka same person? Då må de leggje ved ei fråsegn frå ein uavhengig konsulent eller redaktør som har gått gjennom manuskriptet.
Er de usikre på kva sjanger boka høyrer til? Då vel de den sjangeren de meiner passar best, og forklarer kvifor i søknadsskjemaet.
Dersom det er brukt generativ kunstig intelligens i framstillinga av tekst eller illustrasjonar, skal dette oppgivast i søknaden og grunngivast. Bøker som heilt eller delvis er framstilte av kunstig intelligens, blir ikkje omfatta av ordninga. Det kan gjerast unntak frå regelen i særskilde tilfelle der bruken er godt grunngitt kunstnarisk eller fagleg. Grunngivinga vil vera ein del av vurderingsgrunnlaget frå utvalet.
Kulturrådet kan krevja heile eller delar av innkjøpsbeløpet tilbakebetalte dersom innkjøpet er gjort på bakgrunn av feilaktige opplysningar.
Når de sender inn ein søknad, aksepterer de samtidig vilkåra i søknadsskjemaet og desse retningslinjene.
Slik skal de levere bøker og faktura
Forlaget skal levere trykte bøker og e-bøker til distributøren vår same dag som boka kjem ut. Distributøren sender bøkene ut til biblioteka. De finn ei nærmare beskriving av korleis dette skjer, på nettsidene til Kulturdirektoratet.
De skal sende faktura til Kulturrådet samtidig som bøkene blir leverte til distributøren, med forfall 30 dagar etter at bøkene er leverte. Merk tydeleg kva ordning og påmeldingsrunde boka er meld på i.
Dersom de ikkje har levert bøker og faktura seinast 14 dagar etter at boka har komme ut, blir påmeldinga rekna som annullert.
Slik skal beløpet fordelast
Når de som forlag melder på ei bok, førehandsbetalar Kulturrådet eit samla beløp til forlaget før det endelege vedtaket er gjort. Dette beløpet dekkjer både forlagsdelen og honoraret til forfattaren (royalty). De skal betale ut honoraret til forfattaren seinast 14 dagar etter at de har fått beløpet.
På nettsidene til Kulturdirektoratet finn de betalingstabellar som viser kor mykje forlaget skal ha, og kor mykje forfattaren skal ha.
Det er viktig å vere klar over at beløpa i betalingstabellane kan endre seg frå år til år. Beløpa er mellom anna avhengige av kor mykje pengar Kulturrådet vedtek å fordele til ordninga innanfor dei økonomiske rammene Stortinget har fastsett.
Beløpet kan blir avkorta dersom det er mange påmeldingar
Dersom det er fleire påmeldingar i ordninga enn det er budsjettert for, kan forlagsbetalinga bli avkorta. Då vil de altså få redusert betaling.
Biblioteka har ansvar for oppbevaring og tilgang
Blir boka kjøpt inn, skal biblioteka ta hand om dei innkjøpte bøkene og e-bøkene og gi tilgang til dei i minst fem år. Utgivingsåret blir rekna som første år.
Vedtaksmynde og eventuelle endringar i ordninga
Kulturrådet har det endelege vedtaksmyndet til å utforme innkjøpsordningane. Vurderer Kulturrådet å endre retningslinjene i vesentleg grad, skal forfattar- og utgivarorganisasjonane få høve til å uttale seg før endringane blir vedtekne.
Legg merke til at ein skil mellom lettlesen og tilrettelagd litteratur:
Lettlesen litteratur blir behandla som andre bøker under ordninga.
Tilrettelagd litteratur for lesesvake (med enkelt innhald) vil ikkje bli behandla under ordninga. Forlaget skal nytte fristar og skjema for tilskotsordninga for litteraturprosjekt. Dersom ei bok får tilskot, vil forlaget og forfattaren få tilskot etter betalingsmodellane, og forlaget skal sende bøker til Biblioteksentralen som distribuerer vidare til norske bibliotek. Søknader om støtte til slike verk blir behandla av fagleg utval for litteratur.
Slik blir søknaden behandla
Sjå korleis søknadene blir behandla, frå boka blir meld på, til ho blir kjøpt inn og send til biblioteka.
Leveringsadresse:
Innkjøpsordningane for skjønnlitteratur
Kulturdirektoratet
Postboks 4808 Nydalen
0422 Oslo
Mobilnummeret som skal brukast til sending av pakkar, er 457 37 163.
Levering av bøker og tilgjengeleggjering i bibliotek
Bøker med barn og unge opp til fjerde trinn som målgruppe skal leverast i 1940 eksemplar (for dramatikk gjeld 1163 eksemplar), og bøker for barn og unge med målgruppe frå og med femte trinn skal leverast i 2020 eksemplar (for dramatikk gjeld 1243 eksemplar). I tillegg skal det leverast 70 e-bøker.
Sjå nettsidene til Biblioteksentralen for å finne ei beskriving av levering av e-bøker.
Leveringsadresse for papirbøker:
Biblioteksentralen
OrbitArena
Industriveien 18
2069 Jessheim
Betaling
For 2026-titlar skal desse betalingstabellane brukast.
Betalingstabellar for 2027
Dramatikk for barn og unge: 1163 trykte bøker og 70 e-bøker*
Format og målform
Forfattar
Forlag
Faktura til Norsk kulturfond
Både trykte bøker og e-bok, begge målformer
121 500**
184 000
305 500
* Gjeld titlar som er meinte for barn og unge til og med fjerde trinn, inkludert 460 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Dramatikk for barn og unge: 1243 trykte bøker og 70 e-bøker*
Format og målform
Forfattar
Forlag
Faktura til Norsk kulturfond
Både trykte bøker og e-bok, begge målformer
129 500**
194 500
324 000
* Gjeld titlar som er meinte for barn og unge frå og med femte trinn, inkludert 540 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Prosa/lyrikk for barn og unge: 1940 trykte bøker og 70 e-bøker*
Format og målform
Forfattar
Forlag
Faktura til Norsk kulturfond
Trykte bøker og e-bok på bokmål
167 000**
239 500
406 500
Trykte bøker og e-bok på nynorsk
176 000**
254 000
430 000
* Gjeld titlar som er meinte for barn og unge til og med fjerde trinn, inkludert 460 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Prosa/lyrikk for barn og unge: 2020 trykte bøker og 70 e-bøker*
Format og målform
Forfattar
Forlag
Faktura til Norsk kulturfond
Trykte bøker og e-bok på bokmål
172 500**
250 500
423 000
Trykte bøker og e-bok på nynorsk
182 500**
264 500
447 000
* Gjeld titlar som er meinte for barn og unge frå og med femte trinn, inkludert 540 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Biletbøker for barn og unge (firefarga og svart-kvitt): 1940 trykte bøker*
Format og målform
Forfattar
Forlag
Faktura til Norsk kulturfond
Trykte bøker på bokmål
167 000**
217 500
384 500
Trykte bøker på nynorsk
176 000**
233 500
409 500
* Gjeld titlar som er meinte for barn og unge til og med fjerde trinn, inkludert 460 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Biletbøker for barn og unge (firefarga og svart-kvitt): 2020 trykte bøker*
Format og målform
Forfattar
Forlag
Faktura til Norsk kulturfond
Trykte bøker på bokmål
172 500**
227 000
399 500
Trykte bøker på nynorsk
182 500**
241 500
424 000
* Gjeld titlar som er meinte for barn og unge frå og med femte trinn, inkludert 540 eks. til skulebibliotek.
** Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Dersom Kulturrådet kjøper inn ei bok i ein annan sjanger eller for ei anna målgruppe enn ho er meld på i, vil forlaget få direkte beskjed om korleis eventuell utlikning av uteståande beløp frå anten Kulturrådet eller forlaget skal gjerast.
Faktura
Forlaget skal sende faktura for kvar innkjøpte tittel. Bøker må vere leverte hos Biblioteksentralen før forlaget sender faktura, og forfallsdato skal vere 30 dagar.
I samsvar med økonomireglementet i staten betalar ikkje Kulturrådet ut fakturaer til verksemder som har forfalne tilbakebetalingskrav. Faktura må sendast elektronisk i EHF-format. Elektronisk fakturaadresse er organisasjonsnummeret til Norsk kulturfond, 891 991 762. Elektronisk faktura er ikkje PDF-fil i e-post eller lenkje til fakturahotell. Meir informasjon om EHF-faktura er å finne på https://dfo.no/kundesider/fakturahandtering.
Fakturaen må innehalde følgjande informasjon:
referansenummer
kva for ei innkjøpsordning boka er meld på
kva for ein påmeldingsrunde boka er meld på
namn på forlag, forfattar og tittel
målform (bokmål eller nynorsk)
sjanger (prosa, lyrikk, dramatikk eller biletbok)
ISBN-nummer for trykt bok
ISBN-nummer for e-bok
beløp
Rettsleg grunnlag for ordninga
Rutinebeskrivelse for vurderingsutvalgene for skjønnlitteratur
Habilitetsbestemmelser for Kulturdirektoratet og uavhengige organer
Lovdata: Lov om Norsk kulturråd
Lovdata: Forskrift om tilskudd fra Norsk kulturfond
Hjelp og veiledning
Slik behandles søknader om innkjøp av bøker
Spørsmål og svar om innkjøpsordningane for litteratur
Documenti
- For 2026-titlar skal desse betalingstabellane brukast.
- Rutinebeskrivelse for vurderingsutvalgene for skjønnlitteratur
- Habilitetsbestemmelser for Kulturdirektoratet og uavhengige organer
Cronologia delle modifiche
First seen 15 Nov 2026, last checked 22 Nov 2026. 2 recorded versions.
- 16 Nov 2026 · 4d4079003381
- 15 Nov 2026 · ebc93f6eab04