Ny norsk sakprosa for barn og unge – innkjøpsordning
In brief, in English
This purchasing scheme aims to ensure that high-quality new Norwegian non-fiction for children and young adults is produced, published, distributed, and read in public libraries. Publishers holding a Norwegian organization number are eligible to apply.
Written by a model from the publisher's text. The official page is the authority. How data is produced
Innkjøp til folkebibliotek av ny norsk sakprosa for barn og unge.
Status: Åpen
10 dager igjen Søknadsfrist 2. desember 2026 kl. 13:00 10 dager igjen
Ordningen forvaltes av Kulturrådet.
Nye retningslinjer for bruk av KI i litteratur
Kulturrådet har vedtatt retningslinjer for bruk av KI i litteratur. For Ny norsk sakprosa for barn og unge gjelder endringene f.o.m første søknadsrunde i 2027 med søknadsfrist 2. juni.
Les nyhetssak om de nye KI-reglene
Kva skal ordninga bidra til (formål)?
Formålet med ordninga er å sørgje for at ny norsk sakprosa av høg kvalitet for barn og unge blir skapt, gitt ut, spreidd og lesen.
Du kan lese meir om satsingane til Kulturrådet i strategien og områdeplanen for litteratur.
Kva for bøker kan kjøpast inn?
Boka må vere ny norsk sakprosa for barn og unge.
Med sakprosa meiner vi litterære originalverk som lesaren har grunn til å oppfatte som direkte ytringar om verkelegheita.
Boka må vere norsk. Det betyr at boka anten må vere:
skriven på norsk (bokmål, nynorsk eller dialekt) eller
omsett til norsk frå samisk eller eit nasjonalt minoritetsspråk eller
omsett til norsk frå eit anna språk dersom det er eit originalverk som ikkje har vore gitt ut tidlegare
Med ny meiner vi at boka blir gitt ut i søknadsåret. Er boka omsett frå samisk eller eit nasjonalt minoritetsspråk, kan ikkje originalverket vere eldre enn fem år når de søkjer. Dersom forfattaren av boka er død, kan de søkje i inntil fem år etter at forfattaren gjekk bort.
Boka skal stå fram som eit heilskapleg litterært verk. Dette gjeld også for illustrerte bøker. Med illustrert bok meiner vi her ei bok der illustrasjonar til saman utgjer minst 25 prosent av omfanget.
Det er utgivingstidspunktet som avgjer kva for ein søknadsfrist som gjeld:
1. januar–30. juni: Frist for å melde boka på ordninga er ca. 2. juni.
1. juli–31. desember: Frist for å melde boka på ordninga er ca. 2. desember.
Kva for bøker blir ikkje kjøpte inn?
Desse bøkene er ikkje omfatta av denne ordninga:
lærebøker for grunnskulen og vidaregåande skule
bøker som først og fremst har interesse for eit lokalt eller avgrensa publikum
reine hobbybøker som ikkje samtidig formidlar generell kunnskap om eit fenomen eller emne
Kven kan søkje?
Utgivarar med norsk organisasjonsnummer kan søkje på denne ordninga.
Einbokregelen – berre éi bok i året per forfattar
Ein forfattar kan vanlegvis berre få éi bok innkjøpt på denne ordninga per kalenderår.
Korleis blir søknaden vurdert (vurderingskriterium)?
Søknaden om innkjøp blir behandla av vurderingsutvalet for ny norsk sakprosa for barn og unge.
I vurderinga ser vurderingsutvalet etter om boka
står fram som eit heilskapleg litterært verk
er lagd til rette for barn og unge som målgruppe
har god nok kunstnarleg, språkleg og handverksmessig kvalitet
har gått gjennom nødvendig redaksjonelt arbeid
har innhald og formidling med god nok kvalitet
Utvalet les og diskuterer dei påmelde bøkene. Dei brukar den samla kunst- og kulturfaglege kompetansen sin til å avgjere kva for bøker som skal kjøpast inn.
I tillegg til å vurdere kvaliteten på bøkene skal utvalet prioritere bøkene innanfor ei budsjettramme. Det vil seie at kor mange titlar som kan kjøpast inn, kjem an på det årlege budsjettet og korleis utvalet vurderer kvar enkelt tittel.
Meir om utvalet som vurderer søknaden
Det er Kulturrådet som avgjer kven som sit i vurderingsutvalet, og det blir oppnemnt for to år om gongen. Vurderingsutvalet skal ha minst tre medlemmer, representere ei breidd i litteratursyn og ha kunnskap om ulike former for sakprosa for barn og unge. Utvalet kan hente inn faglege konsulentfråsegner, til dømes når utgivingar som er omsette frå samisk, skal vurderast.
Vurderingsutvalet har fått delegert vedtaksmynde frå Kulturrådet. Når utvalet har vurdert bøkene, legg dei fram vedtakslistene for Kulturrådet til orientering.
Når eit nytt vurderingsutval skal oppnemnast, vil relevante organisasjonar og foreiningar på litteraturområdet bli bedne om å komme med innspel og forslag til utvalsmedlemmer.
Dette må søknaden innehalde
Dersom de søkjer med ein ferdig utgitt bok, skal de så snart ho er trykt, sende eitt vurderingseksemplar til kvar av medlemmene i vurderingsutvalet og eitt til Kulturrådets sekretariat. De betalar for utsendinga sjølv.
Er forfattaren og utgivaren av boka same person? Då må de leggje ved ei fråsegn frå ein uavhengig konsulent eller redaktør som har gått gjennom manuskriptet.
Dersom de har ekstra kostnader til trykking av boka, til dømes på grunn av illustrasjonar, kan de føreslå at ho skal kategoriserast som ekstra kostnadskrevjande. Dette må de grunngi i eit eige dokument som de legg ved søknaden. Det er delegert til Kulturrådets sekretariat å avgjere om boka kvalifiserer som ekstra kostnadskrevjande.
Dersom eit originalverk kjem ut som papirbok og e-bok i same kalenderår, skal søknaden gjelde for innkjøp i begge format.
Er de usikre på kva sjanger boka høyrer til, eller kva målgruppe ho skal treffe? Då vel de den innkjøpsordninga de meiner passar best, og forklarer kvifor i søknadsskjemaet.
Når de sender inn ein søknad, aksepterer de samtidig vilkåra i søknadsskjemaet og desse retningslinjene.
Dersom boka blir kjøpt inn
Når søknaden er behandla av vurderingsutvalet, vil de få beskjed om boka blir kjøpt inn eller ikkje.
Dersom boka blir kjøpt inn, får de praktisk informasjon om innsending av bøker, fakturaen og fristar i vedtaksbrevet.
Slik skal beløpet fordelast
Kulturrådet betalar eitt samla beløp til dykk som utgivar for heile innkjøpet. Dette beløpet skal dekkje både dykkar del og forfattardelen. De skal betale ut pengane til forfattaren seinast 14 dagar etter at de har fått beløpet.
Det er viktig å vere klar over at beløpa i betalingstabellane kan endre seg frå år til år. Beløpa er mellom anna avhengige av kor mykje pengar Kulturrådet vedtek å fordele til ordninga innanfor dei økonomiske rammene Stortinget har fastsett.
Kvar de skal sende bøkene
Så raskt som mogleg etter utgivinga og seinast seks veker etter vedtaksdatoen skal de sende dei innkjøpte bøkene til Kulturrådets distributør, som sørgjer for at bøkene blir tilgjengelege for utlån i biblioteka.
Dersom de har søkt med ei trykkjeklar fil, skal de etter utgivinga også sende eitt rapporteringseksemplar til kvar av medlemmene i vurderingsutvalet og eitt eksemplar til Kulturrådets sekretariat.
Kostnaden ved utsendinga dekkjer de sjølve.
Biblioteka skal ta hand om og gi tilgang til dei innkjøpte bøkene i minst fem år. Utgivingsåret blir rekna som første år.
Vedtaksmynde og høyring om eventuelle endringar i ordninga
Kulturrådet har det endelege vedtaksmyndet til å utforme innkjøpsordninga. Vurderer Kulturrådet å endre retningslinjene i vesentleg grad, skal forfattar-, illustratør- og utgivarorganisasjonane få høve til å uttale seg før endringane blir vedtekne. Det same gjeld ved endringar i betalingsmodellane.
Sende inn vedlegg
Dersom ferdig bok, og ikkje trykkjeklar fil, er vurderingsmaterialet, må eitt eksemplar sendast direkte til kvart av medlemmene i vurderingsutvalet innan utgangen av den månaden søknadsfristen går ut, men helst samtidig med søknadsskjemaet dersom boka allereie er gitt ut. Eitt eksemplar skal sendast til Kulturrådets sekretariat. Er boka utgitt med produksjonstilskot, fungerer dei fem eksemplara også som rapporteringseksemplar for tilskotet.
Postadresse:
Kulturrådet
Postboks 4808 Nydalen
0422 Oslo
Mobilnummeret som skal brukast til sending av pakkar, er 457 37 163.
Leseeksemplara blir ikkje returnerte.
Adressene til medlemmane
Sjå vurderingsutvalet for ny norsk sakprosa for barn og unge
Slik blir søknaden handsama
Sjå korleis søknadene blir handsama.
Rutinar etter innkjøp
Levering av bøker
1940 trykte eksemplar for barn og unge t.o.m. 4 trinn og 2020 trykte eksemplar for barn og unge f.o.m. 5. trinn av tittelen skal leverast til Biblioteksentralen, som sørgjer for å sende bøkene ut til norske bibliotek. Leveringsadressa er:
Biblioteksentralen
OrbitArena
Industriveien 18
2069 Jessheim
Dersom tittelen også er kjøpt inn som e-bok, blir boka gjord tilgjengeleg for folkebiblioteka i totalt 70 lisensar. Lisensane blir fordelte på fylkesnivå.
Sjå Biblioteksentralens nettsider for ei rettleiing om levering av e-bøker.
Betaling
Forlaget skal sende faktura for kvar innkjøpte tittel. Bøker må vere leverte hos Biblioteksentralen før forlaget sender faktura, og forfallsdato skal vere 30 dagar.
I samsvar med økonomireglementet i staten betalar ikkje Kulturrådet ut fakturaer til verksemder som har forfalne tilbakebetalingskrav. Faktura må sendast elektronisk i EHF-format. Elektronisk fakturaadresse er organisasjonsnummeret til Norsk kulturfond, 891 991 762. Elektronisk faktura er ikkje PDF-fil i e-post eller lenkje til fakturahotell. Meir informasjon om EHF-faktura er å finne på https://dfo.no/kundesider/fakturahandtering.
Fakturaen må innehalde følgjande informasjon:
referansenummer
kva for ei innkjøpsordning boka er meld på
namn på forlag, forfattar og tittel
målform (bokmål eller nynorsk)
ISBN-nummer for trykt bok
ev. ISBN-nummer for e-bok
sum
For titlar som er innkjøpte i 2025 skal desse betalingstabellane brukast
Betalingstabellar 2026
Standardbok: 1940 p-bøker og 70 e-bøker*
Format og målform
Forfattarroyalty
Forlag
Faktura til Norsk kulturfond
Berre papirbok på bokmål
163 500**
219 500
383 000
Både papirbok og e-bok på bokmål
163 500**
234 500
398 000
Berre papirbok på nynorsk
172 000**
243 500
415 500
Både papirbok og e-bok på nynorsk
172 000**
248 500
420 500
* Gjeld titlar som er meinte for barn og unge til og med fjerde trinn.
** Innbaka i honoraret frå innkjøpsordninga ligg også honorar til illustratør, fotograf og/eller andre opphavspersonar. Fordelinga mellom forfattar og annan/andre opphavspersonar av honorar frå innkjøpsordninga følgjer det som er avtalt i kontrakt mellom forlaget og dei ulike opphavspersonane. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Standardbok: 2020 p-bøker og 70 e-bøker*
Format og målform
Forfattarroyalty
Forlag
Faktura til Norsk kulturfond
Berre papirbok på bokmål
169 000**
228 000
397 000
Både papirbok og e-bok på bokmål
169 000**
245 000
414 000
Berre papirbok på nynorsk
178 500**
243 500
422 000
Både papirbok og e-bok på nynorsk
178 500**
259 000
437 500
* Gjeld titlar som er meinte for barn og unge frå og med femte trinn.
** Innbaka i honoraret frå innkjøpsordninga ligg også honorar til illustratør, fotograf og/eller andre opphavspersonar. Fordelinga mellom forfattar og annan/andre opphavspersonar av honorar frå innkjøpsordninga følgjer det som er avtalt i kontrakt mellom forlaget og dei ulike opphavspersonane. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Ekstra kostnadskrevjande bok: 1940 p-bøker og 70 e-bøker*
Format og målform
Forfattarroyalty
Forlag
Faktura til Norsk kulturfond
Berre papirbok på bokmål
163 500**
242 500
406 000
Både papirbok og e-bok på bokmål
163 500**
257 000
420 500
Berre papirbok på nynorsk
172 000**
257 000
429 000
Både papirbok og e-bok på nynorsk
172 000**
271 500
443 500
* Gjeld titlar som er meinte for barn og unge til og med fjerde trinn.
** Innbaka i honoraret frå innkjøpsordninga ligg også honorar til illustratør, fotograf og/eller andre opphavspersonar. Fordelinga mellom forfattar og annan/andre opphavspersonar av honorar frå innkjøpsordninga følgjer det som er avtalt i kontrakt mellom forlaget og dei ulike opphavspersonane. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Ekstra kostnadskrevjande bok: 2020 p-bøker og 70 e-bøker*
Format og målform
Forfattarroyalty
Forlag
Faktura til Norsk kulturfond
Berre papirbok på bokmål
169 000**
251 500
420 500
Både papirbok og e-bok på bokmål
169 000**
268 000
437 000
Berre papirbok på nynorsk
178 500**
268 000
446 500
Både papirbok og e-bok på nynorsk
178 500**
283 500
462 000
* Gjeld titlar som er meinte for barn og unge frå og med femte trinn.
** Innbaka i honoraret frå innkjøpsordninga ligg også honorar til illustratør, fotograf og/eller andre opphavspersonar. Fordelinga mellom forfattar og annan/andre opphavspersonar av honorar frå innkjøpsordninga følgjer det som er avtalt i kontrakt mellom forlaget og dei ulike opphavspersonane. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande.
Rettslig grunnlag for ordningen
Rutinebeskrivelse for vurderingsutvalget
Habilitetsbestemmelser for Kulturdirektoratet og uavhengige organer
Lovdata: Lov om Norsk kulturråd
Lovdata: Forskrift om tilskudd fra Norsk kulturfond
Hjelp og veiledning
Slik behandles søknader om innkjøp av bøker
Spørsmål og svar om innkjøpsordningane for litteratur
Dokumenty
- For titlar som er innkjøpte i 2025 skal desse betalingstabellane brukast
- Rutinebeskrivelse for vurderingsutvalget
- Habilitetsbestemmelser for Kulturdirektoratet og uavhengige organer
Historia zmian
First seen 15 Nov 2026, last checked 22 Nov 2026. 2 recorded versions.
- 22 Nov 2026 · e0a225c8c53b
- 15 Nov 2026 · a783e9dcdfc3