Norway Kulturdirektoratet · Abierta · Solicitante único

Ny norsk skjønnlitteratur for vaksne – automatisk innkjøpsordning

Página oficial de la convocatoria ↗

In brief, in English

This scheme provides automatic purchasing and distribution of new Norwegian adult fiction titles to public libraries across Norway. Publishers and other entities registered with a Norwegian organization number are eligible to submit newly published books.

Written by a model from the publisher's text. The official page is the authority. How data is produced

Innkjøp til folkebibliotek av norsk skjønnlitteratur for vaksne. Bøkene skal leverast frå søkar når boka blir utgjeven, søknaden om innkjøp blir vurdert i etterkant. Status: Åpen Søknadsfrist 15. desember 2026 kl. 13:00 Ordningen forvaltes av Kulturrådet. Nye retningslinjer for bruk av KI i litteratur Kulturrådet har vedtatt retningslinjer for bruk av KI i litteratur. De nye retningslinjene gjelder for titler med utgivelsesdato f.o.m. 2027. Les derfor informasjonen nedenfor nøye før du søker. Les gjerne også nyhetssak om de nye KI-reglene. Kva skal ordninga bidra til (formål)? Ordninga skal bidra til at ny norsk skjønnlitteratur for vaksne blir skapt, gitt ut, spreidd og lesen. Kulturrådet stiller minstekrav til kvaliteten på bøkene og profesjonaliteten i utgivinga. Til saman skal alle bøkene bidra til stor breidd i norsk litteratur. Bøkene som blir melde på ordninga, blir distribuerte til folkebiblioteka i heile Noreg på utgivingsdatoen. Bøkene skal leverast både som trykte bøker og som e-bøker. Dersom de ikkje kan levere e-bok, må de søkje om unntak før de sender søknaden om innkjøp. Søknaden om unntak må grunngivast. Biletbøker skal ikkje leverast som e-bok. Kva er konsekvensane av å melde bøker på ordninga? Innkjøpsordninga er automatisk. Det vil seie at dersom de melder ei bok på ordninga, blir ho send til biblioteka på utgivingsdatoen, og Kulturrådet betalar ut forfattarhonoraret og forlagsdelen før søknaden er ferdigbehandla. De må vidarebetale honoraret til forfattaren innan 14 dagar etter at de får beløpet utbetalt. De finn meir om faktureringa nedanfor. Dersom søknaden om innkjøp blir avslått, må de betale tilbake pengane. De må betale tilbake både forlagsdelen og forfattarhonoraret. Forfattaren skal behalde sitt honorar. Bøkene som er sende til biblioteka, blir ikkje returnerte. Grunnen til at pengane blir betalte ut på førehand og boka blir send til biblioteka før søknaden er ferdigbehandla, er at biblioteka skal få boka på utgivingsdatoen. Kven kan melde på bøker? Forlag og andre utgivarar med norsk organisasjonsnummer kan melde bøker på denne ordninga. Det er ikkje mogleg å melda på bøker på både den automatiske og den selektive innkjøpsordninga for ny norsk skjønnlitteratur for same målgruppe innanfor same utgivingsår. Det er viktig at de som utgivar har inngått ein avtale med forfattaren og eventuelle andre opphavspersonar (som illustratørar eller gjendiktarar) før de søkjer. Kulturrådet kan bestemme at ein utgivar ikkje får melde på bøker i ein periode, dersom dei ikkje har følgt vilkåra for ordninga tidlegare. Det kan til dømes vere at utgivaren ikkje har betalt tilbake pengar innan opplyste fristar. Einbokregelen – berre éi bok i året per forfattar Hugs at ein forfattar vanlegvis berre kan ha éi bok for vaksne og éi bok for barn og unge meldt på innkjøpsordningane for skjønnlitteratur kvart kalenderår. Dette blir kalla «einbokregelen». Einbokregelen gjeld for denne ordninga og den selektive innkjøpsordninga for skjønnlitteratur for vaksne under eitt. Det vil seie at forfattaren ikkje kan ha meir enn éi bok som er påmeld til innkjøpsordningane for skjønnlitteratur for vaksne same år. De kan søkje om dispensasjon frå einbokregelen på vegner av forfattaren. Det må de gjere før den første boka blir gitt ut. Søknaden må grunngivast. Kva for bøker kan kjøpast inn? Boka må vere ny norsk skjønnlitteratur for vaksne. Med skjønnlitteratur meiner vi romanar, noveller, kortprosa, lyrikk, dramatikk og biletbøker. I ordninga reknar vi dramatikk i bunden form som lyrikk. Vi reknar også bøker med hovudsakleg faktabasert og fagleg innhald som skjønnlitteratur dersom bøkene har eit tilstrekkeleg diktarleg preg. Boka må anten vere skriven på norsk (bokmål, nynorsk eller dialekt) eller omsett til norsk frå samisk eller eit nasjonalt minoritetsspråk eller omsett til norsk frå eit anna språk dersom det er eit originalverk som ikkje har vore gitt ut tidlegare, eller ei gjendikting av lyrikk til norsk Med ny meiner vi at boka blir gitt ut som originalverk same år som de søkjer. Gjendiktingar av lyrikk til norsk blir rekna som nye litterære verk. Dikt- og novellesamlingar blir rekna som nye dersom under halvparten av innhaldet er trykt tidlegare. Samlinga må uansett vurderast som eit heilskapleg litterært verk. Dersom forfattaren av boka er død, kan de søkje i inntil fem år etter at forfattaren gjekk bort. Er boka omsett frå samisk eller eit nasjonalt minoritetsspråk, kan ikkje originalverket vere eldre enn fem år når de søkjer. Frist for å melde på bøker Fristen for å melde ei bok på ordninga er avhengig av utgivingsdatoen: Utgivingsdatoen for boka Frist for å melde boka på ordninga 1. januar - 28. februar 15. desember 1. mars - 30. april 15. februar 1. mai - 30. juni 15. april 1. juli - 31. august 15. juni 1. september - 31. oktober 15. august 1. november - 31. desember 15. oktober Dersom utgivinga blir forseinka, må de utsetje påmeldinga og flytte boka til ein seinare påmeldingsrunde. Kva for bøker kan ikkje kjøpast inn? Ordninga omfattar ikkje bøker som heilt eller delvis er framstilt av kunstig intelligens (KI). Unntak kan vurderast i særskilde tilfelle der bruken er godt grunngitt kunstnarisk eller fagleg. Ei bok blir rekna som heilt eller delvis framstilt av kunstig intelligens når generativ KI har skrive tekst eller laget illustrasjonar som inngår i den ferdige utgivinga. Viss KI fyller ut eller omskriv teksten, til dømes ved å skrive ein overgang, utvide eit avsnitt eller foreslå ei avslutning, og dette blir ståande i den ferdige boka, er boka delvis framstilt av KI. Det same gjeld viss KI har behandla element i illustrasjonar. Bruk av KI som støttefunksjon i arbeidet blir ikkje rekna som framstilling. Dette kan til dømes gjelde korrektur, eller bruk til research, idéutvikling eller som samtalepartnar. Korleis blir søknaden vurdert (vurderingskriterium)? Boka blir vurdert av eit utval innanfor prosa, lyrikk eller dramatikk. Det er Kulturrådet som avgjer kven som sit i utvalet, og det blir oppnemnt for to år om gongen. Utvalet skal representere ei breidd i litteratursyn og ha kunnskap om ulike sjangrar. Dei skal samla ha ein kombinasjon av forfattar-, forlags- og bibliotekerfaring og/eller bakgrunn frå akademia som er relevant for det aktuelle vurderingsutvalet. Vurderingsutvalet for lyrikk skal alltid ha eit medlem med erfaring frå gjendikting. Vurderingsutvalet for prosa skal alltid ha eit medlem med kompetanse innanfor kriminallitteratur. I vurderinga ser utvalet etter om boka står fram som eit heilskapleg litterært verk boka har god nok kunstnarleg, språkleg og handverksmessig kvalitet boka har gått gjennom nødvendig redaksjonelt arbeid Det kan i særskilde tilfelle gjerast unntak frå hovudregelen om at bøker heilt eller delvis framstilt av kunstig intelligens ikkje blir omfatta av ordninga. Utvalet vil i slike tilfelle vurdere om bruken av generativ kunstig intelligens er godt grunngitt kunstnarisk eller fagleg. Vurderingsutvalet les og diskuterer dei ferdige bøkene frå utgivingstidspunktet. I diskusjonen om minstekrava til kvalitet skal kvar bok vurderast innanfor sin sjanger. Vurderingsutvalet kan hente inn fråsegner frå fagkonsulentar der det er nødvendig, til dømes når dei skal vurdere biletbøker eller utgivingar som er omsette frå samisk. Dersom det er ei gjendikting som skal vurderast, hentar sekretariatet inn ei fråsegn frå ein fagkonsulent om den språklege attgivinga på norsk. Konsulentfråsegna skal leggjast fram for vurderingsutvalet for lyrikk. Er eit utval i tvil om ei bok bør kjøpast inn, blir det henta inn to faste ekstralesarar. Meir om dei ulike utvala Kva for eit vurderingsutval boka skal sendast til, er avhengig av sjangeren på boka: Vurderingsutvalet for prosa behandlar romanar, noveller, kortprosa, biletbøker med prosatekst og tekstlause biletbøker med vaksne som primær målgruppe. Vurderingsutvalet for lyrikk behandlar lyrikk, inkludert gjendiktingar og biletbøker med lyrisk tekst. Vurderingsutvalet for dramatikk behandlar dramatikk, filmmanus og TV-manus. Vurderingsutvala kan flytte boka til eit anna utval enn det de har sendt henne til. Det er då det siste utvalet som har endeleg vedtaksmynde. I slike tilfelle vil de bli kontakta før boka blir flytta. Dette må søknaden innehalde Søknaden om innkjøp omfattar sjølve søknadsskjemaet og ei trykt bok som de skal ettersende til utvalet. Søknadsskjemaet må sendast inn før boka kjem ut. Er boka ei gjendikting, skal de også leggje originalverket ved søknaden. Er forfattaren og utgivaren av boka same person? Då må de leggje ved ei fråsegn frå ein uavhengig konsulent eller redaktør som har gått gjennom manuskriptet. Er de usikre på kva sjanger boka høyrer til? Då vel de den sjangeren de meiner passar best, og forklarer kvifor i søknadsskjemaet. Dersom det er brukt generativ kunstig intelligens i framstillinga av tekst eller illustrasjonar, skal dette oppgivast i søknaden og grunngivast. Bøker som heilt eller delvis er framstilte av kunstig intelligens, blir ikkje omfatta av ordninga. Det kan gjerast unntak frå regelen i særskilde tilfelle der bruken er godt grunngitt kunstnarisk eller fagleg. Grunngivinga vil vera ein del av vurderingsgrunnlaget frå utvalet. Kulturrådet kan krevja heile eller delar av innkjøpsbeløpet tilbakebetalte dersom innkjøpet er gjort på bakgrunn av feilaktige opplysningar. Oversikt over kor mange papirbøker og e-bøker som skal leverast, finn de på nettsidene til Kulturdirektoratet. Slik skal de levere bøker og faktura Forlaget skal levere trykte bøker og e-bøker til distributøren vår same dag som boka kjem ut. Distributøren sender bøkene ut til biblioteka. De finn ei nærmare beskriving av korleis de gjer dette, på nettsidene til Kulturdirektoratet. De skal sende faktura til Kulturrådet samtidig som bøkene blir leverte til distributøren, med forfall 30 dagar etter at bøkene er leverte. Merk tydeleg kva ordning og påmeldingsrunde boka er meld på i. Det er viktig å vere klar over at beløpa i betalingstabellane kan endre seg frå år til år. Beløpa er mellom anna avhengige av kor mykje pengar Kulturrådet vedtek å fordele til ordninga innanfor dei økonomiske rammene Stortinget har fastsett. Dersom de ikkje har levert bøker og faktura seinast 14 dagar etter at boka har komme ut, blir påmeldinga rekna som annullert. Beløpet kan blir avkorta dersom det er mange påmeldingar Dersom det er fleire påmeldingar i ordninga enn det er budsjettert for, kan forlagsbetalinga bli avkorta. Då vil de altså få redusert betaling. Nedanfor kan de lese om korleis avkortinga skjer i praksis: Kvart år blir det sett ei øvre grense for kor mykje utbetalingane kan reduserast. Honoraret til forfattarane blir verande det same gjennom heile året, men delen til forlaga kan bli redusert. Reduksjonen kan variere mellom dei ulike rundane i løpet av året, avhengig av kor mange bøker som blir melde på. Kulturrådets sekretariat gjer eit overslag over kor mange bøker som vil bli melde på og kjøpte inn i løpet av året, basert på erfaringar frå tidlegare år. Dei fordeler deretter årets budsjett på dei ulike innkjøpsrundane gjennom året. Etter kvar påmeldingsfrist sjekkar Kulturrådets sekretariat om det er meldt på fleire bøker enn det er budsjett til. Dersom det er tilfellet, blir beløpet som blir betalt til forlaga for kvar bok, redusert. Dette blir gjort likt for alle bøker i den aktuelle runden. Forlaga får beskjed om eventuell avkorting innan fem arbeidsdagar etter påmeldingsfristen. Forlaga kan då velje å trekkje bøkene sine frå ordninga dersom dei ønskjer. Dersom eit forlag trekkjer bøker etter at Kulturrådets sekretariat har rekna ut utbetalingane, eller dersom det blir kjøpt inn færre bøker enn forventa, gjer Kulturrådets sekretariat likevel ikkje nye utrekningar for den aktuelle runden. Pengar som eventuelt blir til overs på grunn av dette, blir overførte til seinare innkjøpsrundar same år. Biblioteka har ansvar for oppbevaring og tilgang Blir boka kjøpt inn, skal biblioteka ta hand om dei innkjøpte bøkene og e-bøkene og gi tilgang til dei i minst fem år. Utgivingsåret blir rekna som første år. Vedtaksmynde og eventuelle endringar i ordninga Kulturrådet har det endelege vedtaksmyndet til å utforme innkjøpsordningane. Vurderer Kulturrådet å endre retningslinjene i vesentleg grad, skal forfattar- og utgivarorganisasjonane få høve til å uttale seg før endringane blir vedtekne. Det same gjeld endringar i betalingsmodellane. Legg merke til at ein skil mellom lettlesen og tilrettelagd litteratur: Lettlesen litteratur blir behandla som andre bøker under ordninga. Tilrettelagd litteratur for lesesvake (med enkelt innhald) vil ikkje bli behandla under ordninga. Forlaget skal nytte fristar og skjema for tilskotsordninga for litteraturprosjekt. Dersom ei bok får tilskot, vil forlaget og forfattaren få tilskot etter betalingsmodellane, og forlaget skal sende bøker til Biblioteksentralen som distribuerer vidare til norske folkebibliotek. Søknader om støtte til slike verk blir behandla av fagleg utval for litteratur. Slik blir søknaden behandla Sjå korleis søknadene blir behandla, frå boka blir meld på, til ho blir kjøpt inn og send til biblioteka. Leveringsadresse: Innkjøpsordningane for skjønnlitteratur Kulturdirektoratet Postboks 4808 Nydalen 0422 Oslo Mobilnummeret som skal brukast til sending av pakkar, er 457 37 163. Leseeksemplara blir ikkje returnerte. Levering av bøker og tilgjengeleggjering i bibliotek Det skal leverast 623 papirbøker og 150 e-bøker. Sjå nettsidene til Biblioteksentralen for å finne ei beskriving av levering av e-bøker. Leveringsadresse for papirbøker: Biblioteksentralen OrbitArena Industriveien 18 2069 Jessheim Betaling For titlar til runde 1/2026 skal desse betalingstabellane brukast. For titlar til runde 2-6/2026 skal desse betalingstabellane brukast. Betalingstabellar for 2027 Prosa for vaksne 623 trykte bøker og 150 e-bøker Format og målform Forfattar Forlag Faktura til Norsk kulturfond Både trykte bøker og e-bok, begge målformer 104 000* 180 000** 284 000** * Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande. ** For den automatiske ordninga vil det avhengig av påmeldingstala for kvar enkelt runde kunne komme avkortingar i forlagsutbetalingane. Honorara til forlag for kvar enkelt runde blir rekna ut i etterkant av påmeldingsfristen. For 2027 vil det vere eit tak på forlagsavkortingane på 14 %. Lyrikk for vaksne 623 trykte bøker og 150 e-bøker Format og målform Forfattar Forlag Faktura til Norsk kulturfond Både trykte bøker og e-bok, begge målformer 94 000* 128 500** 222 500** * Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande. ** For den automatiske ordninga vil det avhengig av påmeldingstala for kvar enkelt runde kunne komme avkortingar i forlagsutbetalingane. Honorara til forlag for kvar enkelt runde blir rekna ut i etterkant av påmeldingsfristen. For 2027 vil det vere eit tak på forlagsavkortingane på 14 %. Dramatikk for vaksne 623 trykte bøker og 150 e-bøker Format og målform Forfattar Forlag Faktura til Norsk kulturfond Både trykte bøker og e-bok, begge målformer 73 000* 115 500** 188 500** * Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande. ** For den automatiske ordninga vil det avhengig av påmeldingstala for kvar enkelt runde kunne komme avkortingar i forlagsutbetalingane. Honorara til forlag for kvar enkelt runde blir rekna ut i etterkant av påmeldingsfristen. For 2027 vil det vere eit tak på forlagsavkortingane på 14 %. Biletbøker for vaksne (firefarga og svart-kvitt): 623 trykte bøker Format og målform Forfattar Forlag Faktura til Norsk kulturfond Trykte bøker , begge målformer 104 000* 132 500** 236 500** * Baka inn i forfattarhonoraret ligg også eventuelle honorar til illustratør, gjendiktar o.l. Same fordelingsnøkkel skal nyttast som i kontrakten som er inngått mellom forlag og opphavarar. Dersom forfattaren har bidrege økonomisk til bokproduksjonen og dermed redusert kostnadene til forlaget, skal forfattardelen av betalinga for eit innkjøp aukast med same beløp. Forlagsdelen blir redusert tilsvarande. ** For den automatiske ordninga vil det avhengig av påmeldingstala for kvar enkelt runde kunne komme avkortingar i forlagsutbetalingane. Honorara til forlag for kvar enkelt runde blir rekna ut i etterkant av påmeldingsfristen. For 2027 vil det vere eit tak på forlagsavkortingane på 14 %. Faktura Forlaget skal sende faktura for kvar innkjøpte tittel. Bøker må vere leverte hos Biblioteksentralen før forlaget sender faktura, og forfallsdato skal vere 30 dagar. I samsvar med økonomireglementet i staten betalar ikkje Kulturrådet ut fakturaer til verksemder som har forfalne tilbakebetalingskrav. Faktura må sendast elektronisk i EHF-format. Elektronisk fakturaadresse er organisasjonsnummeret til Norsk kulturfond, 891 991 762. Elektronisk faktura er ikkje PDF-fil i e-post eller lenkje til fakturahotell. Meir informasjon om EHF-faktura er å finne på dfo.no/kundesider/fakturahandtering. Fakturaen må innehalde følgjande informasjon: referansenummer kva for ei innkjøpsordning boka er meld på kva for ein påmeldingsrunde boka er meld på namn på forlag, forfattar og tittel sjanger (prosa, lyrikk, dramatikk eller biletbok) ISBN-nummer for trykt bok ISBN-nummer for e-bok beløp Ofte stilte spørsmål Har du spørsmål om innkjøpsordningane for ny norsk skjønnlitteratur? Les retningslinjene for ordninga og sida med ofte stilte spørsmål før du tek kontakt med oss. Ofte stilte spørsmål til innkjøpsordningane for ny norsk skjønnlitteratur Rettsleg grunnlag for ordninga Rutinebeskrivelse for vurderingsutvalgene for skjønnlitteratur Habilitet Lovdata: Lov om Norsk kulturråd Lovdata: Forskrift om tilskudd fra Norsk kulturfond Hjelp og veiledning Slik behandles søknader om innkjøp av bøker Spørsmål og svar om innkjøpsordningane for litteratur

Documentos

Historial de cambios

First seen 15 Nov 2026, last checked 22 Nov 2026. 4 recorded versions.

  • 19 Nov 2026 · 32f6d438f3b0
  • 18 Nov 2026 · ae401f2a8774
  • 16 Nov 2026 · 4ebbccb0616e
  • 15 Nov 2026 · 17de0c514e4f

Report a problem with this record · How data is produced